Sirajdeen resized

மட்டக்களப்பில் 2020-21 ஆம் ஆண்டிற்கான பெரும்போக நெற்செய்கையில் ஈடுபட்டுள்ள விவசாயிகளுக்கான மானிய உர விநியோகம் கிரமமாக இடம்பெற்று வருகின்றது. இம்முறை பெரும்போக நெற்செய்கை பண்ணப்பட்டுள்ள விவசாய நிலங்களில் 60 ஆயிரத்தி 87.5 ஏக்கர் விவசாய நிலங்களுக்கான 16 ஆயிரத்தி 878 மெற்றிக் தொன் மானிய உரம் 20 ஆயிரத்தி 975 விவசாயிகளுக்கு பகிர்ந்தளிக்கப்பட்டு வருவதாக மாவட்ட உரச் செயலக உதவிப் பணிப்பாளர் திரு.கே.எல்.எம். சிராஜுதீன் அவர்கள் தகவல் திணைக்கள மாவட்ட ஊடகப் பிரிவிற்கு தகவல் தெரிவித்தார்.

DSC 0546 resized

மட்டக்களப்பு வாழைச்சேனைப் பொலிஸ் பிரிவில் அமுலிலுள்ள தனிமைப்படுத்தல் ஊரடங்கு தளர்த்தப்படுவது நாளை அப்பகுதிகளில் மேலெழுந்தவாரியாக மேற்கொள்ளப்படவிருக்கும் பீசீஆர் பரிசோதனைகளின் முடிவுகளின் அடிப்படையிலேயே அமையுமென தீர்மானிக்கப்பட்டுள்ளதாக மாவட்ட செயலாளரும் அரசாங்க அதிபருமாகிய திரு.கே. கருணாகரன் அவர்கள் தெரிவித்தார்.

DSC 0471 resized

மட்டக்களப்பு மாவட்ட அபிவிருத்தி ஒருங்கிணைப்புக் குழுக் கூட்டம் மாவட்ட பாராளுமன்ற உறுப்பினரும் ஒருங்கிணைப்புக் குழு இணைத்தலைவர்களான திரு.சிவனேசதுரை சந்திரகாந்தன் மற்றும் கிழக்கு மாகாண ஆளுனர் திருமதி.அனுராதா யகம்பத் தலைமையில் 13.11.2020 அன்று மாவட்ட செயலகத்தில் இடம்பெற்றது.

DSC 0448 resized

கிழக்கு மாகாணத்தின் மூன்று மாவட்டங்களினதும் தற்போதைய நிலைமைகள் பற்றி ஆராயும் ஆளுனரின் விசேட கூட்டம் மட்டக்களப்பில் 12.11.2020 அன்று இடம்பெற்றது.

DSC 0405 resized

மட்டக்களப்பு மாவட்ட அபிவிருத்திக்குழு இணைத்தலைவரின் உத்தியோக பூர்வ அலுவலகம் மாவட்ட செயலகத்தில் மாவட்ட பாராளுமன்ற உறுப்பினரும், மாவட்ட அபிவிருத்தி குழுவின் இணைத்தலைவரும், தமிழ் மக்கள் விடுதலைப் புலிகள் கட்சியின் தலைவருமான திரு.சிவநேசதுரை சந்திரகாந்தன் அவர்களால் 11.11.2020 அன்று திறந்து வைக்கப்பட்டது.

DSC 0414 resized

அதிமேதகு ஜனாதிபதி கோட்டாபய ராஐபக்ச அவர்களின் எண்ணக்கருவில் உதயமான 5000 குளங்களை புணரமைக்கும் செயல்திட்டத்தினை நாடுபூராகவம் நடைமுறைப்படுத்துவதற்கான முதலாவது கூட்டமும் விவசாய அபிவிருத்தி குழுவின் விசேட கூட்டமும் 11.11.2020 அன்று மாவட்ட செயலகத்தில் மாவட்ட அரசாங்க அதிபரும் மாவட்ட செயலாளருமான திரு.கணபதிப்பிள்ளை கருணாகரன் அவர்களின்  தலைமையில் நடைபெற்றது.

DSC 0233 resized

மட்டக்களப்பு மாவட்டத்தில் தற்போது பெய்து வருகின்ற பருவகால மழை காரணமாக வெள்ளநீர் தேங்கியுள்ள நிலைமையில் விவசாய நிலங்கள் கிட்டத்தட்ட 3212 ஏக்கர் தற்போது நீரில் மூழ்கியுள்ள நிலையில் மாவட்டத்தின் விவசாய மக்கள் முகத்துவார ஆற்றுவாயினை வெட்டி நீரினை வெளியேற்றுமாறு மாவட்ட அரசாங்க அதிபர் திரு. கே. கருணாகரன் அவர்களிடம் வேண்டுகோள் விடுத்துள்ளனர்.

DSC 0271 resized

மட்டக்களப்பு மாவட்டத்தின் கொரோனா தடுப்பு செயலணியின் ஒருங்கிணைப்பு மையம் மாவட்ட செயலகத்தில் 09.11.2020 அன்று உத்தியோக பூர்வமாக மாவட்ட அரசாங்க அதிபரும் மாவட்ட செயலாளருமான திரு.கணபதிப்பிள்ளை கருணாகரன் அவர்களால் ஆரம்பிக்கப்பட்டுள்ளது. எமது மாவட்ட மக்களுக்கான தேவையினை 24 மணித்தியாலமும் வழங்கும் நிலையமாக செயற்படும்.

DSC 0139 resized

அரச தரப்பினால் எவ்வளவுதான் கட்டுப்பாடுகளை விதித்தாலும் மக்கள் ஒத்துழைப்பின்றி கொரோனா வைரஸ் பரவலை மட்டக்களப்பில் கட்டுப்படுத்த முடியாது என மாவட் செயலாளரும் அரசாங்க அதிபருமாகிய கே. கருணாகரன் அவர்கள் தெரிவித்தார். மட்டக்களப்பு மாவட்ட கொரோனா தடுப்பு செயலணியின் 4 வது விசேட கூட்டம் 06.11.2020 அன்று மாவட்ட செயலகத்தில் இடம்பெற்றது. இதன்போது ஊடகங்களுக்கு கருத்து வெளியிடுகையிலேயே அவர் இவ்வாறு தெரிவித்தார்.

DSC 0125 resized

கொரோனா தொற்று காரணமாக பாதிக்கப்பட்டவர்களில் வாழைச்சேனை ஊடகவியலாளர்களும் உள்ளடங்குவர். வாழ்வாதாரம் பாதிக்கப்பட்ட நிலையில் இருந்தவர்களுக்கு மாவட்ட அரசாங்க அதிபரும் மாவட்ட செயலாளருமான க.கருணாகரன் அவர்களின் முயற்சியின் பேரில் அவர்களுக்கான உலர் உணவுப்பொதிகள் 06.11.2020 அன்று மாவட்ட செயலகத்தில் வைத்து வழங்கப்பட்டது.

DSC 0077 resized

மட்டக்களப்பு மாவட்டத்தில் தற்போது கொரோனா தொற்றாளர்கள் நாளுக்கு நாள் அதிகரித்து வருகின்றனர், அவ்வேளைகளில் மட்டக்களப்பு போதனா வைத்தியசாலைக்கு வருகின்ற வெளிநோயாளர்கள் தரித்திருப்பதற்கான தற்காலிக கூடாரங்களை மேலும் அதிகரித்துக்கொள்ளவேண்டிய தேவையுள்ளதாக அரசாங்க அதிபரும் மாவட்ட செயலாளருமான கணபதிப்பிள்ளை கருணாகரன் அவர்களிடம் வைத்தியசாலை நிர்வாகத்தினர் வேண்டுகோள் விடுத்துள்ளனர்.

DSC 0080 resized

மட்டக்களப்பில் கொரோனா தொற்று காரணமாக மண்முனை வடக்கு பிரதேச செயலாளர் பிரிவில் வாழ்வாதாரம் பாதிக்கப்பட்ட குடும்பங்களுக்கான மனிதாபிமான உதவிகள் தொடர்ந்தும் மாவட்ட செயலகத்தினால் பெற்றுக் கொடுக்க மாவட்ட செயலாளரும் அரசாங்க அதிபருமாகிய  கே. கருணாகரன் அவர்கள் நடவடிக்கை மேற்கொண்டுள்ளார்.

DSC 0049 resized

மட்டக்களப்பில் கொரோனா தொற்று காரணமாக வாழ்வாதாரம் பாதிக்கப்பட்ட சிகை அலங்கார தொழில் புரிபவர்களின் குடும்பங்களுக்கும், தனிமைப்படுத்தல் ஊரடங்கு அமுலில் உள்ள பிரதேசங்களில் வாழ்வாதாரம் பாதிக்கப்பட்டவர்களுக்குமான மனிதாபிமான உதவிகள் தொடர்ந்தும் மாவட்ட செயலகத்தினால் பெற்றுக் கொடுக்க மாவட்ட செயலாளரும் அரசாங்க அதிபருமாகிய திரு. கே. கருணாகரன் அவர்கள் நடவடிக்கை எடுத்துவருகின்றார்.

DSC 0019 resized

மட்டக்களப்பு மாவட்டத்தில் கொரோனா தொற்று இனங்காணப்படாத பிரதேசங்களில் மாத்திரம் சிகை அலங்கார நிலையங்களை திறப்பதற்கு மாவட்ட கொரோனா தடுப்பு செயலணி அனுமதி வழங்கியுள்ளது. மாவட்ட செயலாளரும் அரசாங்க அதிபருமாகிய திரு. கே. கருணாகரன் அவர்கள் தலைமையில் 01.11.2020 அன்று மாவட்ட செயலகத்தில் இடம்பெற்ற கூட்டத்திலேயே இத்தீர்மானம் மேற்கொள்ளப்பட்டது.

DSC 0017 resized

எந்த ஒரு மாவட்டத்திலிருந்தும் மட்டக்களப்பு மாவட்டத்திற்குள் வருபவர்கள் அனைவரும் தம்மை தனிமைப்படுத்தலிற்குட்படுத்தவேண்டுமென மாவட்ட அரசாங்க அதிபர் திரு. கே. கருணாகரன் அவர்கள் வேண்டுகோள் விடுத்துள்ளார்.

DSC 0442 resized

மட்டக்களப்பில் கொரோனா நோயாளர்களின் எண்ணிக்கை அதிகரித்து வருவதையிட்டு தனிமைப்படுத்தப்பட்டவர்களுக்கான மனிதாபிமான உதவிகள் தொடர்ந்தும் மாவட்ட செயலகத்தினால் பெற்றுக் கொடுக்க மாவட்ட செயலாளரும் அரசாங்க அதிபருமாகிய திரு. கே. கருணாகரன் அவர்கள் நடவடிக்கை எடுத்துள்ளார்.மேலதிக அரசாங்க அதிபர் திருமதி. சுதர்சினி ஸ்ரீகாந்தின் ஒருங்கிணைப்பில் மட்டக்களப்பு மாவட்டத்தில் செயற்பட்டுவரும் லிப்ட் தன்னார்வுத் தொண்டு நிறுவனத்தால் சுமார் 40 ஆயிரம் ரூபா பெறுமதியான 40 உலர் உணவுப் பொதிளைக் கையளிக்கும் நிகழ்வு மாவட்ட செயலகத்தில் 29.10.2020 அன்று இடம்பெற்றது.

DSC 0425 resizedமட்டக்களப்பில் சமயங்களுக்கடையிலான பிணக்குகளைத் தணித்து சமாதானத்தினை ஏற்படுத்த அர்ப்பணிப்புடன் செயற்பட்டு வரும் சர்வத அமைப்புடன் சேர்ந்து பயணிக்கத்தயார் என மாவட்ட அரசாங்க அதிபரும் மாவட்ட செயலாளருமாகிய திரு. கே. கருணாகரன் அவர்கள் தெரிவித்தார். மட்டக்களப்பு மாவட்ட சர்வ மத அமைப்புக்கும் மாவட்ட அரசாங்க அதிபருக்குமிடையிலான சந்திப்பொன்று 29.10.2020 அன்று மாவட்ட செயலகத்தில் இடம்பெற்றது. இதன்போது கருத்துத் தெரிவிக்கையிலேயே அரசாங்க அதிபர் இவ்வாறு தெரிவித்தார்.

DSC 0905 resized

மட்டக்களப்பு மாவட்டத்தின் 14 பிரதேச செயலாளர் பிரிவுகளிலும் தங்களின் வீடுகளில் தனிமைப்படுத்தல் நடவடிக்கை மேற்கொள்ளப்பட்டுள்ளதாகவும் அதற்கு மேலதிகமாக கொரோனா தொற்று என மருத்துவ பரிசோதனைகள் மூலம் உறுதியானவர்கள் மாவட்டத்தில் 35பேர் தற்போது வைத்தியசாலைகளில் சிகிச்சை பெற்றுவருகின்றதாகவும் இதில் கோறளைப்பற்று மத்தி பிரதேச செயலக பிரிவில் மாத்திரம் 31 பேரும் வெல்லாவெளி, பட்டிப்பளை, களுவாஞ்சிக்குடி, ஓட்டமாவடி ஆகிய பிரதேச செயலக பிரிவில் தலா ஒருவர் என அடையாளம் கானப்பட்டுள்ளதாக மாவட்ட செயலாளரும் அரசாங்க அதிபருமான கணபதிப்பிள்ளை கருணாகரன் அவர்கள் மாவட்ட ஊடகப் பிரவுக்கு தெரிவித்தார்.

DSC 0367 resized

மட்டக்களப்பு மாவட்டத்தில் கொரோனா தொற்றாளர்களுடன் தொடர்புடையவர்கள் என தனிமைப்படுத்தப்பட்டுள்ள குடும்பங்களுக்கு உலர்உணவு பொதிகளைப் பெற்றுக் கொடுக்க மாவட்ட அரசாங்க அதிபர் கே. கருணாகரன் அவர்கள் நடவடிக்கை எடுத்துள்ளார். இதனடிப்படையில் முதல்கட்டமாக மாவட்டத்தில் செயற்படுகின்ற அரச சார்பற்ற நிறுவனங்களினூடாக உலருணவுப் பொதிகளைப் பெற்றுக் கொடுக்கும் நடவடிக்கை முன்னெடுக்கப்பட்டு வருகின்றது.

DSC 0349 resized

மட்டக்களப்பு வாழைச்சேனைப் பிரதேசத்தில் மேலும் 16 பேருக்கு கொரோனா தொற்று உறுதி, இரண்டாங்கட்ட தொடர்பாளர்கள் 500 பேர் இனங்காணப்பட்டுள்ளனர். பேலியகொட மீன்சந்தை கொரோனா தொற்றுடன் தொடர்புடையதாக இனங்காணப்பட்ட கோரளைப்பற்று மத்தி பிரதேச செயலகப் பிரிவில் மேலும் 16 பேருக்கு கொரோனா தொற்று உறுதிப்படுத்தப்பட்டுள்ளது. மேலும் இவர்களுடன் தொடர்புடைய இரண்டாங் கட்ட தொடர்பாளர்கள் 500 பேர் இனங்காணப்பட்டு தனிமைப்படுத்தப்பட்டுள்ளனர். இதனையடுத்து மாவட்டத்தில் உடன் அமுலுக்கு வரும் வகையில் தொற்று பரவாமலிருக்க இறுக்கமான தீர்மானங்கள் பல மேற்கொள்ளப்பட்டுள்ளது.

DSC 0319 resized

மட்டக்களப்பு மாவட்டத்திலுள்ள புராதன இடங்கள் என தொல்பொருள் திணைக்களத்தினால் பட்டியலிடப்பட்டுள்ள இடங்களைப் பார்வையிட்டு அவற்றை அளவைமேற்கொண்டு எல்லைப்படுத்தவென விசேட குழுவொன்று தொல்பொருள் திணைக்களத்தினால் அனுப்பி வைக்கப்பட்டுள்ளது.

DSC 0244 resized

மட்டக்களப்பு பட்டிப்பளைப் பிரதேச செயலாளர் பிரிவில் இறால் மற்றும் மீன் வளர்ப்பு திட்டங்களை அரச காணியில் ஆரம்பிப்பது தொடர்பான உயர்மட்டக் கலந்துரையாடல் மாவட்ட அரசாங்க அதிபர் திரு. க. கருணாகரன் அவர்களின் தலைமையில் 26.10.2020 அன்று மாவட்ட செயலகத்தில் இடம்பெற்றது.

DSC 0141 resized

கொரோனா தொற்று அச்சம் காரணமாக சுகாதார திணைக்களத்தின் அறிவுறுத்தல்களுக்கமைய பின்பற்ற வேண்டிய சகல விதி முறைகளையும் கடைப்பிடித்தது மட்டக்களப்பு மாவட்ட செயலகத்தில் வாணி விழா நிகழ்வு மாவட்ட அரசாங்க அதிபர் திரு.க.கருணாகரன் அவர்களின் தலைமையில் 24.10.2020 அன்று சிறப்பாக இடம்பெற்றது.

DSC 0107 resized

மட்டக்களப்பு மாவட்டத்தில் குழாய் நீரை இரண்டரை இலட்சம் பேர் பாவனையாளர்கலாக உள்ளனர். அவர்களுக்கான குடி நீர் வழங்குவதில் எதிர் காலத்தில் சிக்கல் ஏற்படவாய்ப்புள்ளதாக நீர் வழங்கல் வடிகால் அமைப்பு சபையின் மாவட்ட பொறியியலாளர் திரு.டி.ஏ.பிரகாஸ் தெரிவித்தார்.

DSC 0124 resized

மட்டக்களப்பு அம்பாறை மாவட்டங்களுக்காக உலக வங்கியின் நிதி ஒதுக்கீட்டில் விசேட வேலைத்திட்டமாக முந்தனை ஆற்றுப்படுக்கை அபிவிருத்தித் திட்டம் விரைவில் ஆரம்பிக்கப்படவுள்ளது. மழைகாலங்களில் ஏற்படும் வெள்ள அபாயத்தினைக் குறைத்து வடிந்தோடும் மழை நீரினை முறையாக சேகரித்து விவசாயம் மற்றும் குடிநீர் பாவனைக்காகப் பயன்படுத்துவதற்கான திட்டமாக இது நடைமுறைப்படுத்தப்படவுள்ளது.

DSC 0103 resized

சென் ஜோன்ஸ் அம்பியுலன்ஸ் அமைப்பினால் அண்மையில் வெளியிடப்பட்ட முதலுதவிக் கையேடு மட்டக்களப்பு மாவட்ட அரசாங்க அதிபர் திரு. க. கருணாகரன் அவர்களுக்கு 23.10.2020 அன்று மாவட்ட செயலகத்தில் வைத்து கையளிக்கப்பட்டது.

DSC 1063 resized

மட்டக்களப்பில் இலங்கை அரச (பொது) வர்த்தக கூட்டுத்தாபனத்தின் கிளையொன்று மாவட்ட மேலதிக அரசாங்க அதிபர் திருமதி. சுதர்சினி ஸ்ரீகாந்த் அவர்கள் தலைமையில் 22.10.2020 அன்று திறந்து வைக்கப்பட்டது.

DSC 0977 resized

மட்டக்களப்பு மறைமாவட்ட ஆயர் அதிவந்தனைக்குரிய பொன்னையா ஜோசப் ஆண்டகையினால் அரசாங்க அதிபர் திரு.கே. கருணாகரன் அவர்களுக்கு ஆயர் இல்லத்தில் வைத்து 17.10.2020 அன்று ஆசிர்வாதம் வழங்கப்பட்டது.

DSC 0936 resized

மட்டக்களப்பு மாவட்ட அரசாங்க அதிபராக கடமையினைப் பொறுப்பேற்றுக் கொண்ட கணபதிப்பிள்ளை கருணாகரன் அவர்கள் 17.10.2020 அன்று ஜாமிஉஸ் ஸலாம் ஜும்மாஹ் பள்ளிவாயலுக்கு விஜயம் ஒன்றை மேற்கொண்டார்.

DSC 0966 resized

மட்டக்களப்பு மாவட்ட அரசாங்க அதிபர் திரு.கே.கருணாகரன் அவர்கள் கல்லடி இராமகிருஷ்ன மிசனிற்கு 17.10.2020 அன்று உத்தியோக பூர்வ விஜயம் ஒன்றை மேற்கொண்டார்.

DSC 0905 resized

மட்டக்களப்பு மாவட்ட அரசாங்க அதிபராக திரு.கணபதிப்பிள்ளை கருணாகரன் அவர்கள் 17.10.2020 அன்று மாவட்ட செயலகத்தில் கடமையினைப் பொறுப்பேற்றுக் கொண்டார்.

DSC 0886 resized

மட்டக்களப்பு மாவட்ட அரசாங்க அதிபராக கடந்த ஜனவரி மாதம் முதல் கடமையாற்றி வந்த திருமதி கலாமதி பத்மராஜா அவர்களின் பிரியாவிடை நிகழ்வு மட்டக்களப்பு மாவட்ட செயலக உத்தியோகத்தர்களால் 15.10.2020 அன்று மாவட்ட செயலகத்தில் ஏற்பாடு செய்யப்பட்டிருந்தது.

DSC 0713 resized

மட்டக்களப்பு பட்டிப்பளைப் பிரதேச செயலாளர் பிரிவில் இறால் மற்றும் மீன் வளர்ப்பு திட்டங்களை அரச காணியில் ஆரம்பிப்பது தொடர்பான உயர்மட்டக் கலந்துரையாடல் மாவட்ட அரசாங்க அதிபர் திருமதி. கலாமதி பத்மராஜா அவர்களின் தலைமையில் 13.10.2020 அன்று மாவட்ட செயலக மாநாட்டு மண்டபத்தில் இடம்பெற்றது.

செங்கலடி பிரதேச செயலாளர் பிரிவிற்குட்பட்ட மட்டக்களப்பு அம்பாறை மாவட்ட எல்லைப்பகுதியில் அமைந்துள்ள  மயிலத்தமடு, மாதவணை கிராம சேவகர் பிரிவுகளில் அம்பாறை மற்றும் பொலன்னறுவை மாவட்ட விவசாயிகள் சுமார் மூவாயிரம் ஏக்கர் காணியில் அத்துமீறி குடியேறி காடுகளை வெட்டி சேனைப் பயிர்ச் செய்கைக்குத் தயாராகி வருகின்றனர்.இதனால் பெரும்போக நெற்செய்கையின்போது இம்மாவட்டத்தின் செங்கலடி, கிரான், பட்டிப்பளை, வெள்ளாவெளி போன்ற பிரதேச செயலாளர் பிரிவுகளுக்குட்பட்ட சுமார் ஆயிரம் கால்நடை வளர்ப்பாளர்களின் இரண்டு இலட்சம் கால்நடைகளை பாரம்பரியமாகக் கொண்டு செல்லும் நடவடிக்கை தடைப்பட்டுள்ளது.

Dengu 3 resized

மட்டக்களப்பு மாவட்டத்தில் டெங்கு நோயினால் மேலும் ஒரு மரணம் வாழைச்சேனை சுகாதார வைத்திய அதிகாரி பிரிவில் நிகழ்ந்துள்ளது. இவ்வருடத்தில் டெங்கு நோய்த் தாக்கத்தினால் இம்மாவட்டத்தில் இடம்பெற்ற மூன்றாவது மரணமாக  இது பதிவாகியுள்ளது. கடந்த செப்டம்பர் 26 ஆந் திகதி தொடக்கம் ஒக்டோபர் 02 ஆந் திகதி வரையும் 16 பேர் டெங்குநோய் தாக்கத்திற்குள்ளாகியுள்ளனர்.

DSC 0589 resized

மட்டக்களப்பு அம்பாறை ஆகிய இருமாவட்டங்களிலும் பல ஆண்டுகளாக ஏற்பட்டுள்ள எல்லைப்பிணக்கினை தீர்த்துக்கொள்வதற்காக இரண்டு மாவட்டங்களினதும் அரசாங்க அதிபர்களும் 09.10.2020 அன்று களவிஐயம் ஒன்றினை கல்லாறு நீலாவணை பகுதிக்கு சென்று நிலமைகளை அவதானித்தனர். மட்டக்களப்பு மாவட்டத்தில் இருந்து 1961 ஆம் ஆண்டு அம்பாறை மாவட்டம் புதிதாக உருவாக்கப்பட்டது. அக்காலத்தில் மட்டக்களப்பு நிர்வாகமாவட்டம் பரந்துபட்டு காணப்பட்டமையின் காரணமாகவே மாவட்டத்தின் நிர்வாகத்தினை இலகுபடுத்தும் நோக்குடன் மாவட்டங்கள் பிரிக்கப்பட்டுள்ளது.

DSC 0576 resized

மட்டக்களப்பு மாவட்ட விவசாயிகளுக்கான உரமானியத்தினை 07.10.2020 அன்று மட்டு அரசாங்க அதிபர் வெல்லாவெளி பிரதேசத்தில் முதல் தொகுதி மானிய உரத்தினை விவசாயிகளுக்கு வழங்கி வைத்தார்.இலங்கையில் பெரும்போக விவசாயத்தில் ஈடுபடுகின்ற விவசாயிகளுக்கென வழங்கப்படுகின்ற மானிய உரம் மட்டக்களப்பில் தான் முதல் முதலில் வழங்கி வைக்கப்பட்டுள்ளதாக மட்டக்களப்பு மாவட்ட அரசாங்க அதிபரும் மாவட்ட செயலாளருமான திருமதி. கலாமதி பத்மராஜா அவர்கள் தெரிவித்தார்.

DSC 0545 resized

மட்டக்களப்பு மாவட்டத்தின் கொரோனா தடுப்பு செயலணியின் அவசர கூட்டம் 07.10.2020 அன்று மாவட்ட செயலகத்தில் அரசாங்க அதிபரும் மாவட்ட செயலாளருமான திருமதி. கலாமதி பத்மராஜா அவர்களின் தலைமையில் நடைபெற்றது.

DSC 0527 resized

மட்டக்களப்பு மாவட்டத்தின் போதைப்பொருள் தடுப்பு செயலணியின் மாவட்ட மட்ட கூட்டம் 06.10.2020 அன்று மாவட்ட செயலகத்தில் அரசாங்க அதிபர் பணிமனையில் மேலதிக அரசாங்க அதிபர் திருமதி சுதர்ஷினி ஸ்ரீகாந்த் அவர்களின் தலைமையில் நடைபெற்றது.

DSC 0355 resized

அதிமேதகு ஜனாதிபதி கோத்தாபய ராஜபக்க்ஷவின் சுபீட்சத்தின் நோக்கு எனும் அரச கொள்கைக்கு ஏற்ப வீட்டுத் தோட்டங்களை அபிவிருத்தி செய்வோம் எனும் எண்ணக்கருவில் மட்டக்களப்பு வாகரை பிரதேசத்தில் இயற்கை முறை விவசாயத்தினை மேற்கொள்ளும் விவசாயிகளுக்கான உபகரணங்கள் மாவட்ட அரசாங்க அதிபர் திருமதி. கலாமதி பத்மராஜா அவர்களினால் 30.09.2020 அன்று வாகரை பிரதேச செயலகத்தில் வைத்து வழங்கி வைக்கப்பட்டது.

Soil Removal resized

மட்டக்களப்பு மாவட்டத்திலுள்ள வயல் நிலங்கள் மற்றும் குளங்களிலிருந்து மணல் அகழ்வதற்கான சிபாரிசு வழங்குவதனை இடை நிறுத்துமாறு மாவட்ட அரசாங்க அதிபர் திருமதி. கலாமதி பத்மராஜா அவர்கள் கமநல அபிவிருத்தித் திணைக்களம், மாகாண நீர்ப்பாசனத் திணைக்களம் மற்றும் மத்திய நீர்ப்பாசனத் திணைக்களங்களுக்கு பணிப்புரை விடுத்துள்ளார்.

DSC 0257 resized

மட்டக்களப்பு கல்லடி ஸ்ரீ ராமகிருஷ்ண மிஷனில் இயங்கிவந்த பகவான் ஸ்ரீ ராமகிருஷ்ணர் திருக்கோயிலில் 150 பேர் மாத்திரம் தியானம் செய்யக்கூடியதாக கடந்த 50 வருடங்களாக இருந்து வந்தது அதில் விசேடகாலங்களில் பக்தர்கள் அதிகமாக கூடுகின்றபோது இடப்பற்றாக்குறை காணப்பட்டு வந்தது பெரும் குறையாக காணப்பட்டது. இக்குறையினை தீர்க்கும் வகையில் 500 பக்த்தர்களை உள்ளடக்கும் வகையிலான தியான மண்டபத்துடன் பகவான் ஸ்ரீ ராமகிஷ்ணர் திருக்கோயில் எதிர்வரும் 28 ஒக்டோபர் 2020  அன்று கும்பாபிஷேகப் பெருவிழா நடாத்துவதற்கான கூட்டம் 26.09.2020 அன்று கல்லடி ஸ்ரீ ராமகிருஷ்ண மிஷனில் மாவட்ட அரசாங்க அதிபர் திருமதி கலாமதி பத்மராஜா அவர்கள் தலைமையில் நடைபெற்றது.

DSC 0137 resized

எஸ்.4.ஐ.ஜிஇன் ஏற்பாட்டில் இடம்பெற்ற சுப்ரீம் செப் இறுதிப் போட்டிக்குத் தெரிவான சிறந்த நான்கு சமையல் கலைஞர்களுக்கு அவுஸ்திரேலிய அரசின் அனுசரணையில் அவுஸ்திரேலியாவிலுள்ள சிறந்த கல்லூரிகளில் சமையல் கலைப் பயிற்சியினைப் பெற்றுக்கொள்ள சந்தர்ப்பம் கிட்டியுள்ளது.இலங்கைக்கான அவுஸ்திரேலிய உயர்ஸ்தானிகர் திரு.டேவிட் ஹொலி, மாவட்ட அரசாங்க ஆகியோரினால் இவர்களுக்கான புலமைப் பரிசில்களும் சான்றிதழ்களும் 25.09.2020 அன்று மியானி தொழில் பயிற்சி நிலையத்தில் வைத்து வழங்கி வைக்கப்பட்டது.

DSC 0988 resized

சிறு தொழில் முயற்சியாளர்களுக்கு சிறுகடன் வசதியினை வழங்குவதன் மூலம் அவர்களின் பொருளாதாரத்தினை உயர்த்திட முடியாது என மாவட்ட அரசாங்க அதிபர் திருமதி கலாமதி பத்மராஜா அவர்கள் தெரிவித்தார். சிறிய மற்றும் நடுத்தர உற்பத்தியாளர்களின் விற்பனை கண்காட்சி மாவட்ட அரசாங்க அதிபர் கலாமதி பத்மராஜா அவர்களினால் 25.09.2020 அன்று மட்டக்களப்பு இந்துக் கல்லூரி மைதானத்தில் திறந்துவைக்கப்பட்டது. இதன்போது கருத்து தெரிவிக்கையிலேயே அரசாங்க அதிபர் இவ்வாறு தெரிவித்தார்.

DSC 0641 resized

மட்டக்களப்பு மாவட்டத்தில் வவுணதீவு பிரதேச செயலாளர் பிரிவில் ஆயித்தியமலை, மற்றும் மண்டபத்தடி கமநல சேவை நிலையங்களுக்குட்பட்ட விவசாய நிலங்களில் பெரும்போக பயிற் செய்கை மேற்கொள்வதற்கான ஆரம்பக் கூட்டம் மாவட்ட மேலதிக அரசாங்க அதிபர் திருமதி. சுதர்சினி ஸ்ரீகாந்த் தலைமையில் 18.09.2020 அன்று வவுணதீவு பிரதேச செயலக கேட்போர் கூடத்தில் நடைபெற்றது.

DSC 0537 resized

இலங்கைக்கான கனடா நாட்டு உயர்ஸ்தானிகர் டேவிட் மெக்கின்னன் மற்றும் மட்டக்களப்பு மாவட்ட அரசாங்க அதிபர் திருமதி கலாமதி பத்மராஜா அவர்களுக்கும் இடையிலான சந்திப்பொன்று 16.09.2020 அன்று மாவட்ட செயலகத்தில் இடம்பெற்றது.

DSC 0459 resized

மட்டக்களப்பு கரடியநாறு பிரதேசத்திலுள்ள தம்பானம்வெளி மற்றும் புயல்வெளி பிரதேச மக்களின் குடிநீர்ப் பிரச்சினையை தற்காலிகமாக தீர்த்து வைப்பதற்காக பொதுக்கிணறுகள் திறந்து வைக்கப்பட்டு மக்கள் பாவனைக்காக கையளிக்கும் நிகழ்வு உதவி மாவட்ட செயலாளர் திரு.ஏ. நவேஸ்வரன் தலைமையில் 15.09.2020 அன்று இடம்பெற்றது.

DSC 0551 resized

அரசாங்க அதிபர் திருமதி. கலாமதி பத்மராஜா அவர்களின் தலைமையில் காணி பயன்பாட்டு திட்டமிடல் குழுக் கூட்டம் மாவட்ட செயலக மாநாட்டு மண்டபத்தில் 17.09.02020 அன்று இடம்பெற்றது. இதன்போது மட்டக்களப்பில் இயங்கி வரும் அரச திணைக்களங்கள், மதத்தலங்கள் மற்றும் தனியார் தொழில் முயற்சிகளுக்கான பயன்பாட்டிலுள்ள அரச காணிகளைப் பயன்படுத்துவதற்கான அனுமதி அரசாங்க அதிபர் கலாமதி பத்மராஜா அவர்களினால் வழங்கப்பட்டது.

DSC 0252 resized

அனர்த்தங்களில் இருந்து பொது மக்களை பாதுகாப்பதற்கான அரசாங்கத்தினால் முன்னெடுக்கப்படும் வேலைத்திட்டத்தினுடாக மக்களை எவ்வாறு அனர்த்தங்கள் நிகழும் போது பாதுபாப்பது என்பது தொடர்பான பயிற்சிக் கருத்தரங்கு 14.09.2020 அன்று திங்கட்கிழமை மட்டக்களப்பு மாவட்ட செயலக மாநாட்டு மண்டபத்தில் நடைபெற்றது.கலந்துரையாடலாக இடம்பெற்ற இப்பயிற்சிக் கருத்தரங்கின் ஆரம்ப நிகழ்வில் மட்டக்களப்பு மாவட்ட அரசாங்க அதிபர் திருமதி கலாமதி பத்மராஜா அவர்கள் கலந்து கொண்டு இக்கருத்தரங்கை ஆரம்பித்து வைத்தார்.

DSC 0191 resized

அதிமேதகு ஜனாதிபதி கோத்தபாய ராஜபக்க்ஷவின் வேலையில்லாப் பட்டதாரிகள் 60000 பேருக்கு வேலைவாய்ப்பு வழங்கும் விசேட திட்டத்தின் கீழ் மட்டக்களப்பு மாவட்டத்தில் நியமனம் வழங்கப்பட்ட பட்டதாரி பயிலுனர்களுக்கான 3 மாத தலைமைத்துவ பயிற்சிகள் மாவட்ட அரசாங்க அதிபர் திருமதி. கலாமதி பத்மராஜா அவர்களினால் 14.09.2020 அன்று ஆரம்பித்து வைக்கப்பட்டது.

DSC 0180 resized

மட்டக்களப்பு மாவட்டத்தில் உல்லாசப்பயணிகளின் சுற்றுலாமையமாக மாற்றிமைப்பதற்கான ஆரம்பக்கட்ட நடவடிக்கைகள் பூர்த்தியடைந்த நிலையில் 12.09.2020 அன்று சுற்றுலாத்துறை அமைச்சின் செயலாளர் திரு.எஸ்.கெட்டியாராச்சி மட்டக்களப்பு மாவட்ட செயலகத்திற்கு வருகை தந்து மாவட்ட அரசாங்க அதிபர் திருமதி கலாமதி பத்மராஜா அவர்களின் தலைமையில் கலந்துரையாடல் நடைபெற்றது.

DSC 0415 resized

மட்டக்களப்பு மாவட்டத்தில் சோளன் பயிர் செய்கை பண்ணும் விவசாயிகளின் விபரங்கள் மற்றும் அவற்றை செய்கை பண்ணவுள்ள காணிகளையும் பிரதேச செயலகங்கள் வாயிலாக இனங்கண்டு மாவட்ட செயலாளர் திருமதி. கலாமதி பத்மராஜா அவர்களின் சிபாரிசுடன் விவசாய அமைச்சுக்கு அனுப்பி வைக்க நடவடிக்கைகள் மேற்கொள்ளப்பட்டு வருகின்றன.

DSC 0143 resized

மட்டக்களப்பு மாவட்டத்திலுள்ள அரச திணைக்களங்களின் தலைவர்கள் தமது திணைக்களம் தொடர்பான முன்னேற்ற நடவடிக்கைள் மற்றும் மாவட்டரீதியான ஒருங்கிணைப்பு விடயங்களை பகிர்ந்து கொள்ளும் விசேட கூட்டம் மாவட்ட அரசாங்க அதிபர் திருமதி கலாமதி பத்மராஜா அவர்கள் தலைமையில் 11.09.2020 அன்று மாவட்ட செயலக மாநாட்டு மண்டபத்தில் இடம்பெற்றது. இக்கூட்டத்தில் சகல பிரதேச செயலாளர்கள், வலயக்கல்விப் பணிப்பாளர்கள், பிராந்திய சுகாதாரம், போதனா வைத்தியசாலை, விவசாயம், கால்நடை மற்றும் நீர்ப்பாசன திணைக்கள பணிப்பாளர்கள், போக்குவரத்து, அனர்த்த முகாமைத்துவம், பொலிஸ், உள்ளுராட்சி போன்ற அரச நிறுவனங்களின் தலைவர்கள் பலரும் கலந்துகொண்டனர்.

DSC 0128 resized

மட்டக்களப்பு மாவட்ட செயலக கணக்காய்வு முகாமைத்துவ குழுக்கூட்டம் 11.09.2020 அன்று காலை 9.30 மணிக்கு அரசாங்க அதிபரும் மாவட்ட செயலாளருமாகிய திருமதி கலாமதி பத்மராஜா அவர்கள் தலைமையில் அரச அதிபரின் ஒன்று கூடல் மண்டபத்தில் நடைபெற்றது.

DSC 0100 resized

மட்டக்களப்பில் சிறு கைத்தொழிலில் ஈடுபட்டு வரும் முயற்சியாளர்களுக்கு சுயசக்தி கடன் திட்டத்தின்கீழ் தொழில் விருத்தியினை மேற்கொள்வதற்காக 30 இலட்சம் ரூபா பெறுமதியான காசேலை மாவட்ட அரசாங்க அதிபர் திருமதி கலாமதி பத்மராஜா அவர்களினால் 10.09.2020 அன்று மாவட்ட செயலகத்தில் வைத்து வழங்கி வைக்கப்பட்டது. மாவட்ட செயலகத்தில் செயற்பட்டு வருகின்ற சிறுகைத்தொழில் அபிவிருத்திப் பிரிவின் வழிகாட்டலில் சிறுதொழில் முயற்சியில் ஈடுபட்டு வருகின்ற உற்பத்தியாளர்களின் தொழில் விருத்தியினை மேம்படுத்தும் நோக்குடன் நிதி மற்றும் துணைச் சேவைப்பிரிவு இவர்களுக்கான கடன் வசதியினைப் பெற்றுக் கொடுக்கும் நடவடிக்கையினை மேற்கொண்டிருந்தது.

DSC 0073 resized

மாவட்ட சிறுவர் மற்றும் பெண்கள் அபிவிருத்தி குழுக்கூட்டம் மட்டக்களப்பு மாவட்ட அரசாங்க அதிபர் திருமதி. கலாமதி பத்மராஜா அவர்கள் தலைமையில் 10.09.2020 அன்று மாவட்ட செயலக மாநாட்டு மண்டபத்தில் இடம்பெற்றது. இம்மாவட்டத்தின் 14 பிரதேச செயலாளர் பிரிவுகளிலும் சிறுவர் மற்றும் பெண்கள் எதிர் கொள்ளும் பிரச்சினைகள் தொடர்பாக சம்மந்தப்பட்ட அனைத்து அரச நிறுவனங்களினால் மேற்கொள்ளப்பட்டுவரும் நடவடிக்கைகள் தொடர்பான முன்னேற்றங்கள் மீளாய்வு செய்யப்பட்டன.

DSC 0422 resized

மட்டக்களப்பு மாவட்ட விவசாய அபிவிருத்தி குழுக்கூட்டம் 07.09.2020அன்று காலை மாவட்ட செயலகத்தில் அரசாங்க அதிபரும், மாவட்ட செயலாளருமாகிய திருமதி. கலாமதி பத்மராஜா அவர்கள் தலைமையில் நடைபெற்றது.

DSC 0062 resized

அதிமேதகு ஜனாதிபதி கோத்தபாய ராஜபக்க்ஷ அவர்களின் வேலையில்லாப் பட்டதாரிகளுக்கு வேலைவாய்ப்பு வழங்கும் விசேட திட்டத்தின் கீழ் மட்டக்களப்பு மாவட்டத்தில் நியமனம் வழங்கப்பட்ட பட்டதாரி பயிலுனர்களுக்கான 3 மாத தலைமைத்துவ பயிற்சி வழங்குவது தொடர்பாக பாதுகாப்புப் பிரிவினருடனான விசேட கலந்துரையாடல் மாவட்ட அரசாங்க அதிபர் திருமதி. கலாமதி பத்மராஜா அவர்களின் தலைமையில் 09.09.2020 அன்று மாவட்ட செயலகத்தில் இடம்பெற்றது.

DSC 0035 resized

சமுர்த்தி சமுதாய அடிப்படை அமைப்புக்களின் மாவட்ட கூட்டம் 08.09.2020 அன்று மாவட்ட செயலகத்தில் நடைபெற்றது. இக்கூட்டமானது மாவட்ட அரசாங்க அதிபரும், மாவட்ட செயலாளருமாகிய திருமதி. கலாமதி பத்மராஜா அவர்களின் தலைமையில் நடைபெற்றது.

DSC 0031 resized

மட்டக்களப்பு மாவட்டத்தில் அரச சார்பற்ற தன்னார்வ தொண்டு நிறுவனங்களின் திட்டமீளாய்வுக் கூட்டம் மாவட்ட செயலகத்தில் அரசாங்க அதிபரும் மாவட்ட செயலாளருமாகிய திருமதி கலாமதி பத்மராஜா அவர்களின் தலைமையில் 08.09.2020 அன்று 10.00 மணிக்கு மாவட்ட செயலக ஒன்று கூடல் மண்டபத்தில் நடைபெற்றது.

DSC 0002 resized

மட்டக்களப்பு அம்பாறை மாவட்டங்களை உள்ளடக்கியதான மகாவலி திட்டத்தின் கீழ் நடைமுறைப்படுத்தும் மாதுறு ஓயா இடது கரை அபிவிருத்தித் திட்ட விடயதானங்கள் தொடர்பாக சம்மந்தப்பட்ட திணைக்களங்களுக்கும் விவசாயிகளுக்கும் தெளிவுபடுத்தும் விசேட கூட்டம் மாவட்ட அரசாங்க அதிபர் திருமதி. கலாமதி பத்மராஜா அவர்களின் தலைமையில் 07.09.2020 அன்று மாவட்ட செயலகத்தில் இடம்பெற்றது.

DSC 0386 resized

மட்டக்களப்பு மாவட்டத்தில் வவுணதீவு பிரதேசத்தின் உன்னிச்சை 6ம் கட்டையில் மிக புராதன பழமை வாய்ந்த புனித அந்தோனியார் தேவாலயமானது கடந்த காலங்களில் ஏற்பட்ட உள்ளுர் யுத்தம் காரணமாக மக்கள் இடம்பெயர்வுகாரணமாக கைவிடப்பட்டு யுத்தத்தினால் அழிவடைந்த நிலையில் கடந்த 40 வருடங்களுக்கு மேலாக பற்றை காடுகள் அடர்ந்து காணப்பட்டது.

DSC 0337 resized

மட்டக்களப்பு மாவட்டத்தில் மிகவும் புராதானமானதும் பழமையானதுமான ஆயித்தியமலை புனித திருத்தலமான சதாசகாயமாதா திருத்தல திருவிழா கடந்த ஆகஸ்ட் 28 ஆந் திகதி கொடியேற்றத்துடன் ஆரம்பமாகி 06.09.2020 அன்று மட்டக்களப்பு மறை மாவட்ட ஆயர் வணக்கத்துக்குரிய பொன்னையா ஜோசப் ஆண்டகையின் தலைமையில் விசேட ஆராதனையும் திருவிழா இறுதிநாள் திருப்பலி ஒப்புக்கொடுக்கப்பட்டு இனிதே நிறைவு பெற்றது.

16350060 resized

மட்டக்களப்பு மாவட்ட அருவி பெண்கள் வலையமைப்பு மட்டக்களப்பு மாவட்ட செயலகத்துடன் இணைந்து முன்னெடுக்கும் செயல்திட்டங்களில் ஒன்றான பிறப்பு, திருமணம், இறப்பு ஆகியவற்றின் பதிவுச் சான்றிதழ்கள் பெற்றுக்கொள்ளும் நடைமுறைகளும் சட்ட வழிகாட்டல்களும் எனும் தொனிப்பொருளில் செயலமர்வொன்று 27.08.2020 அன்று மாவட்ட செயலகத்தில் நடைபெற்றது.

IMG 0214 resized

மட்டக்களப்பு மாவட்டத்தில் கொவிட் 19 வைரஸ் தொற்று தவிர்ப்பு மற்றும் முகாமைத்துவத்திற்கான வைரஸ் தொற்றுநீக்கி இயந்திர உபகரணம் மட்டக்களப்பு பிராந்திய சுகாதார பிரிவுக்கு 26.08.2020 அன்று கையளிக்கப்பட்டது.

DSC 0122 resized

மட்டக்களப்பு மண்முனை வடக்கு பிரதேச செயலகப் பிரிவினால் வழங்கப்படுகின்ற பிறப்பு, இறப்பு, திருமண பதிவுகளை தாமதமின்றி உடனுக்குடன் வழங்குவதற்கு ஏற்றவகையில் அமைக்கப்பட்ட புதிய கருமபீடம் ஒன்றினை மாவட்ட அரசாங்க அதிபர் திருமதி. கலாமதி பத்மராஜா அவர்கள் 26.08.2020 அன்று பிரதேச செயலகத்தில் வைத்து திறந்து வைத்தார்.

DSC 0074 resized

மட்டக்களப்பு மாவட்ட சிறு தொழில் முயற்சி அபிவிருத்திப்பிரிவின் வழிகாட்டலில்  மாவட்டத்தில் செயற்பட்டு வருகின்ற சிறு தொழில் முயற்சியாளர்களை ஊக்குவித்து அவர்களின் உற்பத்திகளுக்கு சந்தை வாய்ப்பினை ஏற்படுத்திக் கொடுக்கும் பொருட்டு மட்டு முயற்சியான்மை 2020 எனும் விசேட திட்டம் மாவட்ட ரீதியில் செயற்படுத்தப்பட்டு வருகின்றது. இதனடிப்படையில் மண்முனை வடக்கு பிரதேச செயலகப் பிரிவில் செயற்பட்டு வருகின்ற சிறுதொழில் முயற்சியாளர்களின் உள்ளுர் உற்பத்திப் பொருட்களுக்கான சந்தை வாய்ப்பினை ஏற்படுத்திக் கொடுக்கும் நோக்கில் பிரதேச மட்ட விற்பனைக் கண்காட்சியினை மாவட்ட அரசாங்க அதிபர் திருமதி. கலாமதி பத்மராஜா அவர்கள் 26.08.2020 அன்று பிரதம அதிதியாகக் கலந்து கொண்டு திறந்து வைத்தார்.

DSC 0978 resized

மட்டக்களப்பு மாவட்டத்திலுள்ள 14 பிரதேச செயலகப் பிரிவிவுகளிலும் கடமையாற்றி வருகின்ற பிரதேச செயலாளர்களுக்கான மாநாடு மாவட்ட அரசாங்க அதிபர் திருமதி. கலாமதி பத்மராஜா அவர்கள் தலைமையில் 25.08.2020 அன்று மண்முனை தென்எருவில் பற்று – களுவாஞ்சிக்குடி பிரதேச செயலகத்தில் நடைபெற்றது.

DSC 0919 resized

மட்டக்களப்பில் மழை காலங்களில் ஏற்படும் வெள்ள அபாயத்தினைக் குறைப்பதற்கு முந்தானை ஆற்றினை மையப்படுத்திய புதிய திட்டம் உலக வங்கியின் நிதி ஒதுக்கீட்டில் நடைமுறைப்படுத்தப்படவுள்ளது. இது தொடர்பாக பங்காளர்களை தெளிவுபடுத்தும் விசேட செயலமர்வு ஒன்று மத்திய நீர்ப்பாசனத் திணைக்கள பணிப்பாளர் நாயகம் திரு.கே.டீ.என். ஸ்ரீவர்தன தலைமையில் 22.08.2020 அன்று மட்டக்களப்பு ஈஸ்ட் லெகூன் ஹோட்டலில் இடம்பெற்றது.

05 resized

தேசிய அபாயகர ஒளடதங்கள் கட்டுப்பாட்டு சபை மற்றும் பாதுகாப்பு அமைச்சின் ஏற்பாட்டில் போதைப் பொருள் அற்ற சமுகம் சௌபாக்கிய தேசம் எனும் தொனிப் பொருளில் அரச உத்தியோகத்தர்களை பயிற்றுவிக்கும் தேசிய வேலைத்திட்டம் நாடுபூராகவும் இடம்பெற்று வருகின்றது. இதனடிப்படையில் மட்டக்களப்பு மாவட்டத்திலுள்ள 14 பிரதேச செயலகப் பிரிவுகளிலும் கடமைபுரியும் சமுதாய சீர்திருத்த அபிவிருத்தி உத்தியோகத்தர்கள் மற்றும் அதனோடு தொடர்புடைய உத்தியோகத்தர்களையும் இணைத்து போதைப் பொருள் தடுப்பு, சிகிச்சை மற்றும் கட்டுப்பாடு நடவடிக்கைகள் தொடர்பான மூன்று நாள் பயிற்சிகள் வழங்கி வைக்கப்பட்டன.

13 resized

மட்டக்களப்பு மாவட்ட சிறு தொழில் முயற்சி அபிவிருத்திப்பிரிவின் வழிகாட்டலில் மாவட்டத்தில் செயற்பட்டுவருகின்ற சிறு தொழில் முயற்சியாளர்களை ஊக்குவித்து அவர்களின் உற்பத்திகளுக்கு சந்தை வாய்ப்பினை ஏற்படுத்திக் கொடுக்கும் மட்டு முயற்சியான்மை 2020 எனும் விசேட திட்டம் மாவட்டரீதியில் செயற்படுத்தப்பட்டு வருகின்றது.

DSC 0659 resized

கிராம மட்டத்தில் சிறுவர்கள் எதிர்கொள்ளும் பிரச்சினைகள் மற்றும் பாதிப்புகளுக்கு நிரந்தர தீர்வினைப் பெற்றுக் கொடுக்கும் நோக்குடன் மாவட்ட சிறுவர் உரிமைகள் மேம்பாட்டு உத்தியோகத்தர்கள், சிறுவர் உரிமைகள் மேம்பாட்டு உத்தியோகத்தர்கள், பெண்கள் வலுவூட்டல் உத்தியோகத்தர்கள், உளவளத்துனை உத்தியோகத்தர்கள், கிராம சேவை உத்தியோகத்தர்கள் உட்பட அரச உத்தியோகத்தர்கள் 30 பேர் கொண்டு அமைக்கப்பட்ட சமூக சேவைகள் பணி அணி கடந்த 2018,2019 காலப்பகுதியில் மன்முனை வடக்கு பிரதேச செயலாளர் பிரிவில் தெரிவு செய்யப்பட்ட நொச்சிமுனை கிராம சேவகர் பிரிவில் செயற்படுத்தப்பட்டது.

DSC 0569 resized

மட்டக்களப்பு மாவட்டத்தில் 2020-2021 காலப்பகுதிக்கான பெரும்போக நெற்செய்கை பண்ணப்படவுள்ள 67 ஆயிரத்தி 932.1 ஹெக்டேயர் வயல் நிலங்களிற்கான மானிய உரத்தினைப் பெற்றுக் கொடுக்கத் தேவையான முன்மொழிவு விவசாய அமைச்சின் தேசிய உரச் செயலகத்திற்கு அனுப்பி வைக்கப்பட்டுள்ளதாக மாவட்ட அரசாங்க அதிபர் திருமதி. கலாமதி பத்மராஜா அவர்கள் தெரிவித்தார்.

DSC 0547 resized

மட்டக்களப்பு மாவட்டத்தில் மிகவும் புராதனமானதும் பழமையானதுமான ஆயித்தியமலை புனித திருத்தலமான சதாசகாயமாதா திருத்தல திருவிழா எதிர்வரும் 28-08-2020 அன்று ஆரம்பமாகவுள்ளதை முன்னிட்டு அரசாங்க அதிபரும் மாவட்ட செயலாளருமான திருமதி. கலாமதி பத்மராஜா அவர்களின் தலைமையில் கலந்துரையாடல் 17/08/2020 அன்று மட்டக்களப்பு சால்ஸ் மண்டபத்தில் நடைபெற்றது.

DSC 0589 resized

காத்தான்குடியில் இயங்கிவரும் சிவில் சமுக அமைப்பாகிய பள்ளிவாயல்கள் முஸ்லிம் நிறுவனங்கள் சம்மேளனத்தினால் மட்டக்களப்பு மாவட்ட அரசாங்க அதிபர். திருமதி கலாமதி பத்மராஜா அவர்களுக்கு வரவேற்பழிக்கும் நிகழ்வொன்று 17.08.2020 அன்று மாலை காத்தான்குடி சம்மேளனக் கட்டிடத்தில் ஏற்பாடு செய்யப்பட்டிருந்தது. இதன்போது அரசாங்க அதிபர் கருத்து வெளியிடுகையில் மட்டக்களப்பு மாவட்டத்தில் வாழ்கின்ற இரு சமுகத்தினையும் எனது மாவட்ட மக்களாகவே பார்கின்றேன் என அரசாங்க அதிபர் திருமதி. கலாமதி பத்மராஜா அவர்கள் கருத்துத் தெரிவித்தார்.

DSC 0420 resized

மட்டக்களப்பு மாவட்டத்தில் ஏறாவூர்பற்று புன்னக்குடாவில் அமைக்கப்படவுள்ள புடவைக்கைத்தொழில் முதலீட்டு ஊக்குவிப்பு வலயத்திற்கான பங்குதார்கள் கலந்து கொள்ளும் விசேட கலந்துரையாடல் மாவட்ட அரசாங்க அதிபர் திருமதி. கலாமதி பத்ராஜா அவர்கள் தலைமையில் 13.08.2020 அன்று மாவட்ட செயலக மாநாட்டு மண்டபத்தில் இடம்பெற்றது.

DSC 0391 resized

பிரதேச மட்டத்தில் செயற்படுகின்ற சிறுவர் அபிவிருத்தி மற்றும் பெண்கள் வலுவூட்டல் உத்தியோகத்தர்களுக்கு அனர்த்தங்களின் பொழுது சிறுவர்கள் எதிர்கொள்ளும் துன்பங்களை குறைப்பது தொடர்பாக விசேட பயிற்சி நிகழ்வு மட்டக்களப்பு மாவட்ட அரசாங்க அதிபர் திருமதி. கலாமதி பத்மராஜா அவர்களின் தலைமையில் 13.08.2020 அன்று கல்லடி கிரீன் காடன் ஹோட்டலில் இடம்பெற்றது.

DSC 1007 resizedபாராளுமன்ற பொதுத் தேர்தல் 2020 இற்காக வாக்கெண்ணும் பணிகளில் ஈடுபடும் பிரதான வாக்கெண்ணும் அலுவலர்களுக்கான பயிற்சிகள் மாவட்ட தெரிவத்தாட்சி அலுவலரும் அரசாங்க அதிபருமாகிய திருமதி. கலாமதி பத்மராஜா அவர்கள் தலைமையில் 03.08.2020 அன்று மாவட்ட செயலக மாநாட்டு மண்டபத்தில் இடம்பெற்றது.

DSC 0970 resizedபொதுத் தேர்தல் 2020 இற்கான வாக்களிப்பு தினம் எதிர்வரும் 05 ஆந் திகதி நடைபெறவிருக்கையில் மட்டக்களப்பு மாவட்டத்தில் சுமுகமான தேர்தலினை நடாத்துவதற்கான பாதுகாப்பு ஏற்பாடுகள் தொடர்பாக ஆராயும் விசேட கூட்டம் தெரிவத்தாட்சி அலுவலரும் மாவட்ட செயலாளருமாகிய திருமதி. கலாமதி பத்மராஜா அவர்கள் தலைமையில் 03.08.2020 அன்று மாவட்ட செயலக மாநாட்டு மண்டபத்தில் இடம்பெற்றது.

DSC 0917 resizedபாராளுமன்ற பொதுத்தேர்தல் எதிர்வரும் ஆகஸ்ட் 05 ஆந் திகதி நடைபெறவுள்ளது. மட்டக்களப்பு மாவட்டத்தில் 05 பாராளுமன்ற உறுப்பினர்களைத் தேர்ந்தெடுக்கும் இத்தேர்தலில் பொதுமக்கள் தமது ஜனநாயக உரிமையினை சரியாகப் பயன்படுத்தவேண்டுமென மாவட்ட தெரிவத்தாட்சி அலுவலரும் அரசாங்க அதிபருமாகிய திருமதி. கலாமதி பத்மராஜா அவர்கள் மாவட்ட செயலகத்தில் 31.07.2020 அன்று இடம்பெற்ற ஊடகவியலாளர் சந்திப்பில் வேண்டுகோள் விடுத்துள்ளார்.

DSC 0859 resizedபாராளுமன்ற பொதுத் தேர்தல் 2020 இற்காக வாக்கெண்ணும் பணிகளில் ஈடுபடும் உதவித் தெரிவத்தாட்சி அலுவலர்களுக்கான பயிற்சிகள் மாவட்ட தெரிவத்தாட்சி அலுவலரும் அரசாங்க அதிபருமாகிய திருமதி. கலாமதி பத்மராஜா அவர்கள் தலைமையில் 29.07.2020 அன்று மாவட்ட செயலக மாநாட்டு மண்டபத்தில் இரண்டு கட்டங்களாக இடம்பெற்றது.

DSC 0809 resized

பாராளுமன்ற பொதுத் தேர்தல் 2020 இற்காக மட்டக்களப்பு மாவட்டத்தில் அமைக்கப்பட்டுள்ள வாக்களிப்பு நிலைய கண்காணிப்பில் ஈடுபடும் வலய உதவித் தெரிவத்தாட்சி அலுவலர்களுக்கான பயிற்சிகள் மாவட்ட தெரிவத்தாட்சி அலுவலரும் அரசாங்க அதிபருமாகிய திருமதி. கலாமதி பத்மராஜா அவர்கள் தலைமையில் 28.07.2020 அன்று மாவட்ட செயலக மாநாட்டு மண்டபத்தில் இடம்பெற்றது.

DSC 0694 resized

எதிர்வரும் ஆகஸ்ட் 05ஆந் திகதி நடைபெறவுள்ள பொதுத் தேர்தலுக்கான வாக்கெடுப்பு நிலைய கடமைகளில் ஈடுபடும் சிரேஸ்ட தலைமைதாங்கும் அலுவலர்களுக்கான பயிற்சிகள் மாவட்ட தெரிவத்தாட்சி அலுவலரும் அரசாங்க அதிபருமான திருமதி. கலாமதி பத்மராஜா அவர்கள் தலைமையில் மாவட்ட செயலகத்தில் 4 கட்டங்களாக இடம்பெற்று வருகின்றது.

DSC 0694 resized

எதிர்வரும் ஆகஸ்ட் 05ஆந் திகதி நடைபெறவுள்ள பொதுத் தேர்தலுக்கான வாக்கெடுப்பு நிலைய கடமைகளில் ஈடுபடும் சிரேஸ்ட தலைமைதாங்கும் அலுவலர்களுக்கான பயிற்சிகள் மாவட்ட தெரிவத்தாட்சி அலுவலரும் அரசாங்க அதிபருமான திருமதி. கலாமதி பத்மராஜா அவர்கள் தலைமையில் மாவட்ட செயலகத்தில் 4 கட்டங்களாக இடம்பெற்று வருகின்றது.

DSC 0623 resized

எதிர்வரும் 2020 பொதுத் தேர்தலை சுகாதார விதிமுறைகளுக்கமைய நடாத்தும் திட்டத்திற்கு அமைவாக மட்டக்களப்பு மாவட்டத்தில் தபால்மூல வாக்களிப்பின் மூன்றாம் கட்ட வாக்களிப்பு 16.07.2020 அன்று அமைதியான முறையில் நடைபெற்றது.

DSC 0600 resized

மட்டக்களப்பு மாவட்டத்தில் நெல் கொள்வனவு சம்பந்தமாக மாவட்ட விவசாய அமைப்புகளின் பிரதிநிதிகளுக்கு தெளிவுபடுத்தும் விசேட கூட்டம் ஒன்று மட்டக்களப்பு மாவட்ட செயலக கேட்போர் கூடத்தில் அரசாங்க அதிபர் திருமதி. கலாமதி பத்மராஜா அவர்களின் தலைமையில் 15.07.2020 அன்று நடைபெற்றது.

DSC 0577 resizedஅதிமேதகு ஜனாதிபதி கோட்டபாய ராஜபக்சவின் வறுமை ஒழிப்புத் திட்டத்தின் கீழ் வறுமைக் கோட்டின்கீழ் வாழும் வேலையற்ற ஒரு இலட்சம் இளைஞர் யுவதிகளுக்கான பல்நோக்கு தொழிற்பயிற்சி வழங்கும் செயற்திட்டம் முன்னெடுத்து வரப்படுகின்றது. இதனடிப்படையில் மட்டக்களப்பில் 4452 இளைஞர் யுவதிகள் இப்பயிற்சியினைப் பெற்றுக் கொள்வதற்கு தகுதி பெற்றுள்ளனர். இவ்விண்ணபதார்கள் அவர்களின் திறமைகள், தகுதிகள் மற்றும் இலட்சியங்களுக்கேற்ப விண்ணப்பித்த துறைகளுக்கமைவாக தேசிய பயிலுநர் மற்றும் கைத்தொழில் பயிற்சி அதிகார சபையினூடாக வழங்குவதற்கான நடவடிக்கையினை அரசாங்கம் மேற்கொண்டு வருகின்றது.

DSC 0529 resized

மட்டக்களப்பு மாவட்டத்தில் சுற்றுலாத்துறையினை மேம்படுத்துவதற்கான புதிய சுற்றுலாத்துறை திறன் மூலோபாயம் மற்றும் செயல்திட்டம் அறிமுகம் செய்து வைக்கும் நிகழ்வு மாவட்ட அரசாங்க அதிபர் திருமதி கலாமதி பத்மராஜா அவர்கள் தலைமையில் 15.07.2020 அன்று மாவட்ட செயலகத்தில் இடம்பெற்றது.

DSC 0552 resized

பொதுத் தேர்தல் 2020 இற்கான தபால் மூல வாக்களிப்பு நடைபெற்றுக் கொண்டிருக்கும் நிலையில் தேர்தல்கள் ஆணைக்குழு மட்டக்களப்பு மாவட்டத்திற்கு 15.07.2020 அன்று விஜயம் ஒன்றை மேற்கொண்டது.பிரதி தேர்தல் ஆணையாளர்களான திரு.எம்.எம்.எஸ்.கே. பண்டார, திரு.எஸ். அட்சுதன் ஆகியோர் மாவட்ட அரசாங்க அதிபரும் தெரிவத்தாட்சி அலுவலருமான திருமதி. கலாமதி பத்மராஜா அவர்களின் தலைமையிலான தேர்தல் கடமை நடவடிக்கைகளுக்குப் பொறுப்பான உதவித் தெரிவத்தாட்சி அலுவலர் குழுவினை 15.07.2020 அன்று மாவட்ட செயலகத்தில் சந்தித்து தேர்தல் நடவடிக்கைகள் தொடர்பான முன்னேற்றம் பற்றி கலந்துரையாடினர்.

Dengu 3 resizedமட்டக்களப்பு மாவட்டத்தில் டெங்கு நுளம்பு தாக்கம் அதிகரித்து வருகின்றது. அந்தவகையில் கடந்த ஜூலை 03 ஆந் திகதி தொடக்கம் 10 ஆந் திகதி வரையும் 13 பேர் டெங்குநோய் தாக்கத்திற்குள்ளாகியுள்ளனர். இந்த வாரம் டெங்கு தாக்கத்தினால் பாதிப்புக்குள்ளான ஓட்டமாவடி சுகாதார வைத்திய அதிகாரி பிரிவில் இதுவரை 08 டெங்கு நோயாளர்களும், ஏறாவூர் மற்றும் கோரளைப்பற்று மத்தி ஆகிய சுகாதார வைத்திய அதிகாரி பிரிவுகளில் தலா 02 நோயாளர்களும், ஆரையம்பதி பிரிவில் ஒரு நோயாளருமாக மொத்தம் 13 பேர் மாவட்டத்தில் இனங் காணப்பட்டுள்ளனர். இருப்பினும் வாகரை, வாழைச்சேனை, செங்கலடி, மட்டக்களப்பு, வவுணதீவு, காத்தான்குடி, பட்டிப்பளை, வெல்லாவெளி, களுவாஞ்சிக்குடி, கிரான் ஆகிய சுகாதார வைத்திய அதிகாரிப் பிரிவுகளில் டெங்கு நோயாளர்கள் எவரும் இனங்காணப்படவில்லை.

14.07.2020 postalvoting 08 resized

எதிர்வரும் 2020 பொதுத் தேர்தலை சுகாதார விதிமுறைகளுக்கமைய நடாத்தும் திட்டத்திற்கு அமைவாக மட்டக்களப்பு மாவட்டத்தில் தபால்மூல வாக்களிப்பின் இரண்டாம் கட்ட வாக்களிப்பு 14.07.2020 அன்று அமைதியான முறையில் நடைபெற்றது. இதன்படி மாவட்டத்திலுள்ள 14 பிரதேச செயலகங்கள், மற்றும் அரச திணைக்களங்களின் மாவட்ட மற்றும் பிரதேச அலுவலகங்களிலும் இந்த வாக்களிப்பு நடைபெற்றது. இதன்போது பொது சுகாதார துறையினர் சுகாதார முறைகளை கவனிக்கும் பணிகளில் ஈடுபாடு காட்டினர். 

DSC 0484 resized

பொதுத் தேர்தல் 2020 இற்கான அஞ்சல் மூல வாக்களிப்பு 14, 15ம்   திகதிகளில் நடைபெறவிருக்கும் நிலையில் மட்டக்களப்பு மாவட்டத்தில் கடமையாற்றவுள்ள அஞ்சல் வாக்கு மேற்பார்வை உதவித் தெரிவத்தாட்சி அலுவலர்கள் மற்றும் உத்தியோகத்தர்களுக்கான விசேட பயிற்சி வகுப்பு மாவட்ட அரசாங்க அதிபரும், தெரிவத்தாட்சி அலுவலருமான திருமதி. கலாமதி பத்மராஜா அவர்கள் தலைமையில் 13.07.2020 அன்று மாவட்ட செயலக மாநாட்டு மண்டபத்தில் இடம்பெற்றது.

DSC 0455 resized

பகவான் ஸ்ரீ ராமகிருஸ்ணர் கோவில் புனருத்தாரண திருப்பணிகள் தொடர்பான விபரங்களை அறிவிக்கும் பத்திரிகையாளர்கள் மாநாடு 12.07.2020 அன்று காலை 11 மணியளவில் ஸ்ரீ ராமகிருஸ்ண மிஸன் மட்டக்களப்பு கல்லடியில் பொது முகாமையாளர் சுவாமி தக்ஸயானந்தா தலைமையிலும், உதவிப்பொது முகாமையாளர் சுவாமி நீலமாதவானந்தருடன் மாவட்ட அரசாங்க அதிபர் திருமதி.கலாமதி பத்மராஜா அவர்கள் கலந்து கொண்டு நடைபெற்றது.

DSC 0390 resized

மகாவலி கமத்தொழில் மற்றும் நீர்ப்பாசன கிராமிய அபிவிருத்தி அமைச்சின் ஏற்பாட்டில் உலக வங்கி நிதி உதவியில் காலநிலைக்கு சீரமைவான நீர்ப்பாசன விவசாயத் திட்டத்தின் கீழ் மட்டக்களப்பு மாவட்டத்தில் செய்கை பண்ணப்பட்ட மறுவயல் பயிர்களின் உற்பத்தியின் அறுவடைகள் வைபவ ரீதியாக தற்பொழுது நடைபெற்று வருகிறது.

DSC 0319 resized

மகளிர் விவகார மற்றும் சமூக பாதுகாப்பு அமைச்சின் ஏற்பாட்டில் மட்டக்களப்பு ஆரையம்பதியில் நிறுவப்பட்டுள்ள முன் பிள்ளைப்பருவ அபிவிருத்தி நிலையம் மற்றும் பகல் பராமரிப்பு வசதிக்கான புதிய கட்டிடத்திற்கான அடிக்கல் நாட்டுவிழா 10.07.2020 அன்று சம்பிரதாயபூர்வமாக நடைபெற்றது.

DSC 0273 resized

மட்டக்களப்பு மாவட்டத்தில் நடைமுறைப்படுத்தப்பட்டு வருகின்ற வெளிநாட்டு நிதி உதவியுடனான அபிவிருத்தி நிகழ்ச்சித்திட்டங்கள் தொடர்பான முன்னேற்ற மீளாய்வுக் கூட்டம் மாவட்ட அரசாங்க அதிபர் திருமதி கலாமதி பத்மராஜா அவர்கள் தலைமையில் 09.07.2020 அன்று மாவட்ட செயலக மாநாட்டு மண்டபத்தில் இடம்பெற்றது.

DSC 0183 resized

இலங்கை அரசாங்கமும் கொரிய அரசாங்கமும் செய்துகொள்ளப்பட்ட ஒப்பந்தத்திற்கமைய உலக உணவுத் திட்டத்தின் அங்கீகாரத்தில் சுமார் 120 கோடி ரூபா நிதி ஒதுக்கீட்டில் வறுமைக் கோட்டின்கீழ் வாழும் மக்களின் வாழ்வாதாரத்தை மேம்படுத்த ஐந்து மாவட்டங்களில்  வறுமை ஒழிப்புத்திட்டங்களின் முன்னேற்றங்கள் மற்றும் எதிர்காலத்தில் ஆரம்பிக்கப்படவுள்ள திட்டங்களின் சாத்திய செயல்பாடுகளை நேரில் கண்டறிய இலங்கை வந்துள்ள  கொரியநாட்டு பிரதிநிதிகள்குழு 07.07.2020 அன்று மட்டக்களப்புக்கு விஜயம் மேற்கொண்டிருந்தது.

IMG 20200707 114255 resized

இலங்கை சமூக பாதுகாப்பு சபையின் ஆரஸ்ஸாவ ஓய்வூதிய திட்டத்தின்கீழ் மட்டக்களப்பிலுள்ள தரம் ஐந்து புலமைப்பரிசில் பரீட்சையில் சித்திபெற்று அச்சபையின் நிபந்தனைகளைப் பூர்த்தி செய்த மாணவர்களுக்கு மாவட்ட அரசாங்க அதிபர் திருமதி கலாமதி பத்மராஜா அவர்கள் புலமைப் பரிசில் காசோலைகளை 07.07.2020 அன்று மாவட்ட செயலகத்தில் வழங்கிவைத்தார். மகளிர், சிறுவர் அலுவல்கள் மற்றும் சமூக பாதுகாப்பு அமைச்சின்கீழ் சுயதொழில் புரிவோர் முதுமையடையும்போது அவர்களுக்கான அரச ஓய்வூதிய பாதுகாப்பொன்றை வழங்குவதை நோக்கமாகக் கொண்டு அமைக்கப்பட்டுள்ள இலங்கை சமூக பாதுகாப்பு சபையினால் சுரக்கும, ஆரஸ்ஸாவ ஆகிய ஓய்வூதியத் திட்டங்கள் நாடுபூராகவும் வெற்றிகரமாக நடைமுறைப்படுத்தப்பட்டு வருகின்றது.

DSC 0072 resized

இலங்கை அரசாங்கத்திற்கும் கொரிய நாட்டு அரசாங்கத்திற்குமிடையில் செய்துகொள்ளப்பட்ட ஒப்பந்தத்திற்கமைய உலக உணவுத் திட்டத்தின் கீழ் மட்டக்களப்பு மாவட்டத்தில் 2019, 2020 ஆண்டுகளில் நடைமுறைப்படுத்தப்படும் வாழ்வாதாரத்தை மேம்படுத்தும் வறுமை ஒழிப்புத்திட்டம் தொடர்பான திட்ட மீளாய்வுக் கூட்டம் மாவட்ட அரசாங்க அதிபர் திருமதி. கலாமதி பத்மராஜா அவர்களின் தலைமையில் 07.07.2020 அன்று மாவட்ட செயலகத்தில் இடம் பெற்றது.

DSC 0914 resized

வாகரை பிரதேச செயலாளர் பிரிவின் தட்டுமுனைக் கிராம சேவகர் பிரிவில் ஆலயத்திற்கான புதிய மடப்பள்ளி மண்டபமும், ஆலய பொதுக்கிணறும் 06.07.2020 அன்று மட்டக்களப்பு மாவட்ட அரசாங்க அதிபர் திருமதி கலாமதி பத்மராஜா அவர்களினால் திறந்து வைக்கப்பட்டது.

Dengu 3 resized

மட்டக்களப்பு மாவட்டத்தில் டெங்கு நுளம்பு தாக்கம் அதிகரித்து வருகின்றது. அந்தவகையில் கடந்த ஜுன் 19 ஆந் திகதி தொடக்கம் 2020 ஜுன் 26 ஆந் திகதி வரையும் 16 பேர் டெங்கு நோய் தாக்கத்திற்குள்ளாகியுள்ளனர்.